Японы Гүнма мужид оршдог хуучин Томиокагийн торгоны үйлдвэрийн цогцолборыг Дэлхийн соёлын өвөөр бүртгүүлэх нь зүйтэй гэж үзсэнээ ЮНЕСКО-гийн зөвлөх байгууллага болох ICOMOS мэдээлэв. Тус үйлдвэр 140 жилийн өмнө байгуулагдсан Японд анхны төрийн өмчийн торгоны түүхий эд бэлтгэдэг үйлдвэр юм.
Тухайн үеийн Японы Засгийн газар шинэ технологийг нэвтрүүлэн оруулж үйлдвэржүүлэх замаар улс орноо хөгжүүлэх бодлого явуулж байв. Японы нутаг бүрээс цугларсан эмэгтэйчүүдийг дотуур байранд байрлуулж хөдөлмөр эрхлүүлэн, их хэмжээний бэлэн бүтээгдэхүүн хилийн чанадад экспортоор гаргадаг байв.
Япон оронд эртнээс хүр хорхойг тэжээж торго боловсрулах түүхий эдийн утасыг гар аргаар гаргаж авдаг аж ахуй байжээ. Томиокагийн үйлдвэр байгуулагдаж уламжлалт аж ахуй болон барууны дэвшилтэт технологи хослуулснаар үйлдвэрлэлийн бүтээмж өндөрсөх боломж нээгдсэн ажээ.
Тухайн цогцорбор нь дөнгөж хөл дээрээ босож эхлэж байсан Японы аж үйлдвэрийг орчин үеийн хэв маягт шилжүүлээд зогсохгүй цаашид барууны үйлдвэржсэн орнуудтай мөр зэрэгцэх нөхцлийг бүрдүүлэх хүчин зүйл болж байсан гэдэг утгаар нь ICOMOS тус цогцорборыг өндөр үнэлж байгаа юм байна.
