12. Тайшогийн үе /1912-1926/
Мэйжигийн эзэн хаан таалал төгсөж түүнийг залгамжилсан дараагийн хааны үеийг Тайшогийн үе гэж нэрлэдэг.
Тайшогийн эзэн хааны ах дүү нар багадаа өвчнөөр нас барсан ба өөрөө ч байнга өвчинд ээрэгддэг байсанаас эзэн хаан эрт нас барсан тул Тайшогийн үе ердөө 15 жил үргэжилсэн юм.
Тайшогийн үе хэдийгээр цөөхөн жил үргэлжисэн ч Дэлхийн нэгдүгээр дайн, Канто бүс нутагт болсон хүчтэй газар хөдлөлт зэрэг олон үйл явдлууд болж өнгөрчээ.
Дэлхийн нэгдүгээр дайны нөлөөгөөр экспортын барааны эрэлт хэрэгцээ огцом нэмэгдэж Японы эдийн засаг гэнэт сайжирсан тул аж үйлдвэрлэлд их хэмжээгээр хөрөнгө оруулалт хийжээ. Гэтэл дайн дуусангуут их хэмжээгээр үйлдвэрлэсэн бараанууд нь зарагдаагүйгээс эдийн засгийн хямралд оржээ.
Канто орчмын хүчтэй газар хөдлөлтөөр маш олон орон сууц нурж хүмүүс ихээхэн нэрвэгджээ. Гэсэн хэдий ч Токиогийн төв хэсгийн шахцалдсан жижиг модон байшингууд нурсаныг далимдуулан дэд бүтцээ сайжруулж олон давхар том том байшингууд барьсан.
Тухайн үед автомашины тоо харьцангуй бага байсан тул Парис болон Лондон хотуудын сайтар төлөвлөгдсөн, эмх цэгцтэй автозамын жишгийг дагалгүйгээр Токио хотын автозамыг төлөвлөгөө муутай барьсанд өнөөгийн япончууд одоо ч харамсдаг юм.
Энэ үед хүмүүсийн амьдралын хэв маяг нилээд европжсон бөгөөд радио нэвтүүлэг, их дэлгүүр, кафе ресторан, бүжгийн заал гэх мэтийн соёл нэвтэрч хүмүүсийн сонирхолыг ихээхэн татдаг байжээ.