13. Шовагийн үе /1926-1989/
Тайшогийн эзэн хаан таалал төгсөж түүнийг залгамжилсан дараагийн хааны үеийг Шовагийн үе гэж нэрлэдэг.
Тайшогий сүүлийн үед нэгэнд эхэлж байсан эдийн засгийн хямрал болоод Дэлхийн эдийн засгийн хямралын нөлөөнд автагдан Япон орон санхүү, эдийн засгийн талаар ноцтой хямралд орж байсан.
Хямралын улмаас Герман Улс фашизмыг зорьдог байсан бол Япон Улс нь Хятад руу довтлон орж Манж болон Өвөр монголийн нутагт Манжго Улсыг байгуулж тэр үеэс эхлэн цэргийнхэн Японы улс төрийн бодлогод ихээхэн нөлөө үзүүлдэг болжээ.
Япон-Хятадын дайн эхэлж удаагүй байхад Дэлхийн хоёрдугаар дайн дэгдсэн тул Япон-Герман-Итали Улсын цэргийн холбоог байгуулав.
Эхний үед Япончууд умард болон өмнөдын хоёр чиглэл рүү довтлохыг зорьж байсан боловч Монголын нутагт болсон Халх голын дайнд ялагдсан тул харилцан тэмцэлдэхгүйгээр зөвшилцсөн Япон-Зөвлөлтийн гэрээ байгуулсан. Улмаар өмнөд зүгийн орнуудыг эзлэх эрхээс татгалзахыг шаардсан Америк Улстай тэмцэлдэх Номхон далайн дайн эхэлсэн.
Дэлхий дайны үеэр бүх ард иргэдийг дайны төлөө зүтгэхийн шаардаж байсан ба эх орны төлөө үхсэн ч яадаг юм гэсэн уур амьсгал бий болов. Мөн илэн далангүй дайнд эсрэгцэх саналаа хэлэхийг хориглодог маш хатуу дэг журамтай нийгэм тогтоожээ.
Тухайн үеийн Америк Улс эдийн засгийн хувьд ч аж үйлдвэрлэлийн хувьд ч Японоос хамаагүй илүү чадварлаг байв. Харин хамгийн орчин үеийн тоноглолтой Америктай тэмцэх гээд японы ард иргэд хулсын саваагаа атгаж дасгалаа хийдэг байсан нь одоо бодоход бүр инээдтэй.
Япон цэрэг нэгэнт их ялагдаж байсан мөртлөө дайтахаа болиогүй тул Америкчууд Японы Хирошима болон Нагасаки хотод атомын бөмбөг хаяв. Түүнчлэн Зөвлөлтийн цэрэг гэрээгээ зөрчилж довтлож ирсэн тул арга баран буулт хийж дайныг дуусгахыг зарласан.
Дайны дараа хэсэг хугацаанд Америк цэргийн шууд бус засаглалд байсан. Амекик цэргийн удирдлагын дагуу нийгмийн системд янз бүрийн шинэчлэл өөрчлөлт болж энэ үед Японы Үндсэн Хууль ч бий болсон.
Түүний дараа Япон Улс дахиад тусгай тогтнолын эрхтэй болсон атлаа Америкийн цэрэг япон нутагт байгаа хэвээрээ байна. Өнөөдөр ч Окинава мужийн төв дунд цэргийн бааз оршдог учраас түүнийг хаашаа нүүлгэх вэ гэсэн талаар их маргаантай байдаг билээ.
Шовагийн үеийн сүүлийн хагаст эдийн засгийн байдал их сайжирч хүмүүсийн амьдралд ч ихээхэн өөрчлөлт гарсан. Шовагийн төгсгөлийн үед хүмүүс өнгөрсөн явдлуулыг дурсаж “Огцом өөрчлөлттэй Шова” гэж дүгнэсэн ажээ.