Кабүки жүжиг
Эдогийн үеийн эхэнд анх Кабүки бий болсон бөгөөд тухайн үед өнөөдөр шиг жижгийн хэлбэртэй биш харин зөвхөн дуу хөгжмийн дагуу бүжиг бүжиглэдэг байсан.
Анхандаа биеэ үнэлдэг мэргэжлийн хүүхнүүд Кабүкийг нэлээд тачаангүй хөдөлгөөнтэйгээр бүжиглэдэг байсан тул засгийн газрын зүгээс нийгмийн дэг журмыг самуурна гээд эмэгтэйчүүдээр Кабүкийг бүжиглүүлэхийг хориглосон.
Иймд түүний оронд банди нар Кабүкийг бүжиглэдэг болсон боловч тэд ч биеэ үнэлдэг байсан тул үүнийг бас хориглосон.
Ингээд насанд хүрсэн эрэгтэйчүүд л Кабүкийг бүжиглэдэг болж сүүлдээ жүжиг хэлбэртэй урлаг болж хөгжсөн. Кабүки жүжгийг Эдогийн үед ард түмэн их сонирхож үздэг байсан.
Жүжиг тоглохдоо эмэгтэй хүний дүрд ч эрэгтэй жүжигчин тоглодог тул түүнд маш өндөр мэргэжил шаардлагддаг. Өнөөдөр эмэгтэй хүний дүрд тоглодог жүжигчдийн дотор Бандо Тамасабүро /тавдугаар/ гэдэг хүн маш алдартай.
Камакүрагийн үеийн анхны жанжны дүү болох Минамото Ёшицүнэгийн тухай өгүүлсөн “Канжин-чо”, түймэр гарсан үед танилцсан залууд дурлаж дахиад нэг удаа уулзах юмсан гээд гал тавьж түймэр гарган баригдсан охины тухай өгүүлсөн “Яоиа ошичи” гэх мэтийн жүжиг Кабүкигээр их тоглогдож байна.
