Манай гэрээс Нэрима хүртэл алхаад тэндээс авубусанд сууж шууд Кусацу орсон. Урьдчлан захиалж байсан зочид буудалд хоёр хоносон. Тэр зочид буудалд нийт 5 усанд орох өрөөтэй бөгөөд аль аль нь дотроос цоожлоод гэр бүлээр л орох боломжтой. Зарим өрөө хагас задгай учраас яг ой шогойн дотор усанд орж байгаа шиг гоё мэдлэмж төрүүлдэг.
Япон гэж галт уул ихтэй орон учраас орон нутгийн хаа саягүй халуу рашаантай байдаг. Харин тэр болгон рашаан хангалттай хэмтэй биш тул бүрээн рашаанаа газаар халааж байж ордог ч цөөнгүй байдаг.
Кусацу бол байнга 50-90 орчим хэмтэй ус бургилж гардаг тул халаахыг бүү хэл харин ч хөргөж байж орох хэрэгтэй. Хэрэв хүйтэн ус хийж хөргөвөл рашааны ус шингэрээд хүний биед сайнаар үйлчилэхээр элдэв төрлийн минерал багасдаг тул урт нарийн модон банзаар усыг хутгалж хөргөх заншилтай юм.
Энгийн хүмүүс ойролцоогоор 42 хэмийн усанд ордог бол Кусацугийхан 48 хэм хүртэл хөргөсөн усанд ордог. Ус нь маш халуун учраас удаан орж байхын аргагүй. Тийм болохоор багийг бүрдүүлээд дохионы дагуу зэрэг ороод 3 минут болоод зэрэг гардаг гэнэ.
Усанд ороход дохио өгдөг хүнийг ючоо /湯長/ буюу халуун усны багийн ахлагч гэдэг ба усанд орох үеэр үл барам багийнхаа гишүүдийн аж амьдралд хүртэл санаа тавих нь их байдаг. Багийн хүмүүс ч бүгдээрээ багийн ахлагчийг хүндэтгэн үзэж хайрладаг гэнэ.
Кусацугийн төв хэсэгт хэдэн хүүхэн зэрэгцээд дуулангаа модоор усыг хутгалаад хөрөж байгааг харуулах үзвэлтэй газар байдаг. Дээр дурдсан заншлын тухай тэнд сонссон юм.