Олон улсын байгууллагууд дэлхийн дулаарлын учир шалтгааныг хүн төрөлхтний явуулдаг үйлдвэрлэлийн явцад ялгагдах хүлэмжийн хийнээс болдог гэж тогтоосон ба түүнийг багасгахын тулд авах араг хэмжээний талаар олон улсын хурал чуулган удаа дараагаар явагдаж байна.
Харин үүнд эсэргүүцэх үзэлтэй хүмүүс бас цөөнгүй байдаг. Тэд дэлхийн дулаарал бол үнэхээр бий болж байгаа боловч хүлэмжийн хийн улмаас биш харин нарны идэвхжилтийн өөрчлөлтөөс болсон гэдэг саналаа дэвшүүлж байна. Дэлхийн улс орнуудад оногдуулах гэж буй хүлэмжийн хийн ялгаралтыг хязгаарлах даалгавар зөвхөн хөгжсөн орнууд хөгжиж буй орнуудын хөгжлийг саатах оролдлого байна гэсэн санал бас байдаг.
Өнгөрсөн жил Японы Хинодэ гэдэг хиймэл дагуулаар хийгдсэн ажиглалтаар тогтмол хугацаатай болдог нарны өмнө ба хойд туйлын эргэлт хивэндээ биш гэдгийг олж мэдсэн. Өмнөх түүхтэй харьцуулахад энэ нь цаашдын 10-20 жилд нарны идэвхжил буурах шинж гэнэ.
Үүнийг бодоход одоохондоо дэлхийн дулаарлын хандлага нэг л ноцтой асуудал биш байх. Хэрэв нарны идэвхжилт маш багасна гэвэл өнөөдөр эсрэгээр дэлхийн хүйтрэлт бэлдэх тухай ярилцах нь зүйтэй мэт санагдана.
Дөнгөж саяхан Япон болон Аамерикийн хамтарсан судалгааны үр дүнд нарны идэвхжилт буурах хандлага 20-аад жилийн өмнөөс эхэлсэн гэдгийг тогтоосон. Хэрэв тийм бол өнгөрсөн 20-аад жилийн турш нарны идэвх буурсаар байсан хэрнэ дэлхий дулаалсаар байсан гэсэн үг. Үүнээс үзэхэд дэлхийн дулаарал зөвхөн нарны идэвхжилтээс болсон гэдэг үзэл эндүүрэлтэй бололтой.
Цаашдын 10-20 жил бол нарны идэвхжилт ч буурах болохоор хүндрэлтэй биш байж болно. Түүний дараа ахиад нар идэвхжиж эхлэхээр нарны болон нарнаас гадна гэсэн давхар шалтгаанаас ихээхэн хэмжээгээр дэлхий дулаалахад хүрнэ гэсэн үг биш үү?