3. Бунхны үе /III-VII зууны үе/
Нэгэнт Яёойгийн үеэс бий болж байсан баян ядуугийн ялгаа улмаас улам ил тодорхой болж тухайн нутагт эрх мэдэл бүхий овогтны зарим нь ноён түшмэд, зарим нь ван болсон.
III-VII зууны үед ван ноёдуудад зориулж маш олон бунхан баригдсан учраас Бунхны үе гэж нэрлэдэг. Тэд бунханд нас барсан язгууртны цогцостой хамт вааран хүүхэлдэй, байшин эд хогшлын загварыг булдаг байсан.
Олон бунхнуудыг судлахад III-IV зууны үед зөвхөн толь, эрдэнэс гэх мэтийг хамт оруулдаг байсан бол V зуунаас хойш дайны зэвсэг, моринд хамаатай багаж хэрэгслүүдийг их оруулдаг болсон. Бас өмнө нь байгаагүй морийг дүрслэсэн вааран загвар бас ордог болов.
Эдгээр олдворыг нэг үндэслэл болгож дорно дахины архиологи судлаач Эгами Намио вээр V зууны үед эх газраас моритон үндэстэн Япон аралд довтлон ирж уугуул иргэдийг эрхшээлдээ оруулан эзэн хаан болсон гэсэн таамаглалаа дэвшүүлэв.
Энэхүү таамаглал Японы ард түмэний сайшаалыг хүртэж маш өргөнөөр нэвтэрсэн боловч онолын хувьд нилээд дутагдал байгаа учраас эрдэм шинжилгээний үүднээс нотлогдоогүй байна.