1. Хуучин чулуун зэвсгийн үе
Хуучин чулуун зэвсгийн үеийн тухай хангалттай материал олдоггүй учраас зөвхөн хүмүүс чулуун зэвсэгээр ан гөрөө хийж амьдардаг байв гэж таамаглахаас цаашгүй байна.
2. Жоомонгийн үе ба Яёойгийн үе
Жоомонгийн үед хүмүүс вааран эдлэл хэрэглэдэг болсон. Ихэнхи ваарны гадаргуу нь олс өнхрүүлж хийсэн хээтэй байсан тул Жоомон буюу олсон хээний үе гэж нэрлэдэг юм.
Жоомонгийн хүмүүс голдуу ан гөрөө хийж жимс самар түүж амьдрадаг байсан ба цөөхөн зарим нутагт цагаан будаа тарьж эхэлсэн.
Одоогийн Токио хотын Яёой гэдэг тойргоос олдсон вааран эдлэл нь Жоомон-гийн үеийнхээс арай өөр загвартай байсан тул түүгээр төлөөлөгдөх үеийг Яёой-гйин үе гэж нэрлэдэг.
Яёойгийн үед япон аралтай зэргэлдээ оршдог эх газраас тариалангийн арга барил бүхий хүмүүс орж ирээд цагаан будааг ихээр тариалах болсон ба тэд нар тосгонд бөөнөөрөө амьдардаг байв.
Жоомонгийн хүмүүс болоод Яёойгийн хүмүүсийн ясыг харьцуулан үзэхэд нилээд ялгаатай байгаа нь ажиглагдана. Ясны онцлог шинжээс үзэхэд Жоомонгийнхэн дээр тавьсан зургийн зүүн гар тал дахь охин шиг, Яёойгийнхон баруун гар тал дахь охин шиг зүс царайтай байсан.
Жоомонгийн хүмүүс нь угаасаа япон аралд сууж байсан бөгөөд Яёой-гйин үед эх газраас ирсэн хүмүүс тариалангийн улмаас хоол идээ элбэг байсан тул хүн ам түргэн өсөөд эцэсдээ Жоомонгийн хүмүүстэй цус холилдсон гэж таамаглагдаж байна.